Espazo Emprendemento
Un dos obxectivos da Universidade de Vigo é fomentar a cultura emprendedora da súa comunidade. Non se trata unicamente de educar o estudantado para crear empresas, senón que cómpre ensinarlle competencias emprendedoras que lle permita ter unha mellor versión de si mesmo. Con este fin, a través da Área de Emprego e Emprendemento, realizaranse distintas accións para favorecer o desenvolvemento persoal do alumnado e apoialo emocionalmente. Deste xeito, o estudantado disporá das ferramentas para poder madurar as súas ideas emprendedoras, crear novas realidades e poñelas ao servizo da sociedade.
O éxito de todas as accións de emprendemento desenvolvidas desde a Universidade de Vigo non se mide en función do número de empresas creadas polo estudantado, senón polo número de persoas que puideron crecer tras o seu paso por algunha destas iniciativas.
Coas letras que compoñen a sigla FACIL podemos resumir as cinco accións principais organizadas na actualidade na Universidade de Vigo:
- Fomento das competencias emprendedoras.
- Asesoramento de iniciativas empresariais ao estudantado.
- Conexión da comunidade a través dunha rede de profesorado emprendedor.
- Innovación aberta xunto coas empresas.
- Lexitimación dos procesos de transferencia.
INCUVI Emprende, Avanza y Consolida. Incubadora de negocios de la Universidad de Vigo para el apoyo, a través de diversas fases, a las iniciativas empresariales de base tecnológica y de conocimiento, para su maduración, crecimiento y consolidación
ACCEDE A INCUVI